Jodlerklub Schneeglöggli Kallnach

 

 lJahresbricht 2017

 

Mir hei z’Jahr mitem 11. Februar gstartet. Dr Mäder Hansruedi isch zum Ehreveteran gehrt worde u dr Jean-Pierre Trlliet zum Veteran. Es paar Mitglider vo üsem Klub hei im Service u am Buffet mitghuufe. Am Schluss vo dr Veteraneehrig hei mer no es Lied gsunge u sehr viu Lob derfür übercho.

 

Am 18. Februar simer mitem Car as Konzärt vom Jodlerklub Cormoret ga singe,

 

Vom 1. – 15. April hei mer üsesr Konzärt- u Theaterabete im Chrütz z‘ Chaunach vor zaurichem Punlikum gha.

 

Dr 20. April heimer mit de Theaterlüt zäme i dr Waudhütte mit Brätle verbracht. Aune es „Merci“ wo öppis bitreit hei.

 

23. April Geburtstagssinge zum 80. Geburtstag vom Bungi Poul in Gals.

 

3.- 4. Juni hei mir üses traditionelle Jodlerzmorge i dr MZH z’Chaunach vorbereitet u düregfüert. Ds Nachtbuebechörli het für ne tolli Ungerhautig gsorget.

 

Am 10. Juni isch in Tramelan z‘ Häuferässe gsi.

 

24. + 25. Juni si mer uf Brig as Eidg. Jodlerfescht. Es isch a däm Wucheänd sehr heiss gsi u mir hei viu viu Dünns brucht. Mir hei inere sehr chline Haue üses Wettlied „I dänk chli nah“ zum Beschte gä. Miteme guete Gfüu si mer de i Abe gange.  Am Suntigmittag hei er du chönne d’Note 1 usem Ranglischtehftli nä. Merci am Philipp für di tolli Arbeit. Einzu gsunge hei ds’Uschi mit Note 1 u d’Ruth mit Note 2. Aune zäme es grosses Bravo! Mir hei du die Notene usgibig am Schatte unger de Böim „füechtfröhlech“ gfiret. Einige isch das Fescht für am Namittag zum Bahnhof z’loufe rächt id Bei gange. Mitem Zug de z’Chaunach acho simer vo ganz viune Delegierte u dr Gmein i Empfang gno worde. Nach üsem Vortrag heimer du es Apéro dörfr gniesse.

 

Dr Abe vom29. Juni heimer bi nassem Wätter mit Brätle u no chli fyre i dr Waudhütte verbracht. Ou hie merci aune wo öppis gmacht hei.

 

Am 1. Ougschte si mer ar Ougschtefir bim Apèro u bir MZH ga singe.

 

D‘ Gschwandtemaadchiubi isch am 6. Ougschte sehr nass u chaut i üsere Erinnerig blibe. Mir hei dert am Jodlerklub Meiringe ihre Alass mit Lieder umrahmt. Wo mer du mit Poschi u Car richtig Seeland zue si heimer du doch no d’Sunne dörfe gniesse.

 

Am 20. Ouguscht het üs dr Winkler Res i sini nöi eröffneti Metzgerei zum „Tag der offenen Tür“ iglade. Mir hei dert bi schönem Wätter paar schöni Lieder zum Bechte gä.

 

Am 2 Septämber hei der Simon u d’Katrin Jauner Hochzyt gha. Mir si se miteme Lied id Chiuche ga überrasche u hei am Apèro no gsunge.

 

16. Septämber singe bim Jubiläum vom DTV Kallnach.

 

Am 23. Septämber isch s’Seeländisch in Biel gsi- Mir hei dert d’Lieder „I dänk chli na* u „s’Plange“ gsunge. U de lang, lang ufs Znacht gwartet. Chum gässe hei mer de dr Saau für’s „Jodlermusical“ müesse verla, um de Bsuecher Platz z’mache.

 

7. Oktober Reis Areuseschlucht. Merci Bruno für’z organisiere.

 

Im Oktober heimer probehauber dr Probeabe vom Donschtig ufe Mäntig gschobe.

 

Am 7. Oktober simer der Roger und d’Lea Lehmann am Hochzyt id Chiuche ga überrasche u hei es feins Apèro dörfe gniesse.

 

Am 14. Oktober isch Ustrinket im Chrütz z’Chaunach gsi. I säge da derzu nume eis: APPIZÄUER!

 

Am 22. Oktober hei mer am Suppetag i dr MZH gsunge.

 

Am 5. Novämber heimer im Autersheim in Aarbärg de Senior mit üsne Lieder dr Sunntigmorge dörfe verschönere.

 

D‘ Jodlerwiehnachte heimer im Chrütz bi guetem Ässe u flotter Bedienig verbracht. Merci aune wo dr Saau hei parat gmacht.

 

Im Dezämber hei mer dr Probeabe wider ufe Donschtig gschobe.

 

Üses Ski-Weekend hei mer im Januar 18 nid düregfüert.

 

Somit wäri am Ändi vo mim Jahresbricht. Danke für’s Zuelose. Öie Presidänt.

 

                                                                                         Andreas Köhli

 

Nächster Auftritt

!! Abgesagt !!

Aufgrund der aktuellen Corona-Situation sind alle Aktivitäten des Jodlerklubs bis auf weiteres eingestellt.

 

 

 

 

 

 

 

 

 

 

 

 

Möchtes Du

 Hättest du Lust mit dem Jodlerklub Schneeglöggli Kallnach zu singen und schöne Momente mit zu erleben dann melde dich doch bitte bei unserem Präsidenten Andreas Köhli, Kallnach unter der

Tel.Nr. +41 (0)79 489 44 78

 

Probetag Donnerstag 20:15h